degemer

e Plouha

istor kozh

hon istor

kartenn anv

oberoù

hag a nevez

staj hañv

raktresoù

"Ya" d'ar Brezhoneg

DAO

lavaroù

kanaouennoù

Kig&farz

liammoù

Gerioù stur

Gouelioù e Goueloù

· GOUELIOÙ E GOUELOÙ 2012 : Echu eo Gouelioù e Goueloù 2012 (adalek an 6 betek an 10 a viz Eost) ; plijadur oa bet, sur ! War-dro 30 den o doa kemeret perzh : LAOUEN-KENAÑ e oa an holl en dibenn ; ar berzhidi, koulz hag an aozerien ! Traoù liesseurt zo bet kinniget : - Pleustriñ war ar c’hoariva gant Bob Simon, ha c’hoari dirak an dud, - Kentelioù kan (ha kan-ha-diskan) gant ar ganerien vrudet Jilberzh Fulup ha Jilberzh Doñval, - Baleadennoù dre hor bro gaer, - Ur veilhadeg d’ar Gwener 10 da noz : c’hoariva & Fest-noz. PLIJADUR A VOE, ME LÂR DEOC’H !
Setu un nebeut luc’hskeudennoù, tennet e-kerz ar veilhadeg just a-walc’h...
Setu ’ta ar gourdone : Bob... o tisplegañ dimp ar pezh-c’hoari a zeu, en ur yezh dihegompren !!!
Kroget eo... ar c’hoariva... petra raio Dider da Fañch !?
Gast !! Setu Ronan, ar rener, tapet e vint o-daou a-benn ar fin !
Ha ne vanke nemetañ, an archer dister, Fulup...
Gwall kuzhidik eo an enseller Sylvain, met petra an diaoul a zo war an tamm paperenn-mañ ???
Echu eo, dija ? Ret e vo gortoz bloaz evit anavezout dibenn an istor... pe lenn : DOGAN gant JAKEZ RIOU o paouez bezañ adembannet gant ABER.
Ha plas d’ar c’han bremañ, selaouit ha selaouit !
Fañch, gant an delenn da gentañ, mar plij !
Ha da ei!l !!! gant Volenn bremañ, ’vat...
Bombard ha binioù bremañ ! Kreñvoc’h-kreñvañ !!!
Skipailh an daou Jilberzh, ha bec’h d’ar c’han-ha-diskan !	Met penaos echuiñ, hep un dañs bennak ?
FEST-NOZ a oa bet goude-se, anat deoc’h... Met ken tomm e oa an aergelc’h, ken n’em boa ket soñjet tennañ poltredoù ! Pegen dipitus... Da welout kement-se e vo dav deoc’h dont en-dro a-benn bloaz !
Setu penaos eo emdroet staj brezhoneg Kalon Plouha (bep hañv abaoe 2003) da Ouelioù e Goueloù e 2011... Sellit ’ta penaos oa bet kont gant ar staj e 2006, 2007, 2008, 2009, 2010 ha 2011... Da welout ivez : KANAOUENNOÙ AR STAJOÙ (pe un nebeut anezho da vihanañ)

Un darvoud all a vo adarre e 2013, adalek al Lun 5 betek ar Gwener 9 a viz Eost.

M’ho peus c’hoant da lakaat ho anv, e c’hallit diouzhtu : kasit ’ta ur postel da : kalon.plouha@wanadoo.fr.